Sumarfrí

Vasaljósadagur

Á miðvikudaginn næsta er vasaljósadagur hjá okkur í Fossakoti. Í ljósi aðstæðna mega börnin ekki koma með  vasaljós í leikskólann. Við ætlum samt að gera okkur góðan dag og skoða allskonar skemmtilega skugga með vasaljósinu sem er til í leikskólanum.

Starfsdegi frestað

Í ljósi aðstæðna hefur verið ákveðið að fresta starfsdeginum okkar sem átti að vera á föstudaginn næsta 7. janúar.

Leikskólinn verður því opinn á föstudaginn 7. janúar og áætlað að leikskólastarfið verði hefðbundum hætti.

Ástæða þess er að nú störfum við mikið hólfaskipt og teljum við óábyrgt að blanda öllu starfsfólki saman þar sem skipulag starfsdagsins okkar býður ekki upp á hólfaskiptingu, þá er einnig hluti starfsfólks í einangrun og sóttkví.

Áætlað er að starfsdagurinn verði föstudaginn 4. febrúar nk. svo gott er að gera ráðstafanir í tíma þar sem þann dag verður leikskólinn lokaður.

Starfsdagur

Við minnum á starfsdaginn okkar, föstudaginn 7.janúar. Þann dag er leikskólinn lokaður

Jólakveðja

Kæru fjölskyldur.

Við í leikskólanum Fossakoti óskum ykkur öllum gleðilegrar hátíðar og farsældar á komandi ári með ósk um notalega samveru og hvíld yfir hátíðirnar.

Við viljum um leið þakka fyrir ánægjulegt samstarf á árinu sem er að líða.

Við hlökkum til að taka á móti nýja árinu og öllum þeim tækifærum sem það býður upp á í leik og starfi.

Jólabíó

Í næstu viku er okkar árlega jólabíó og skiptist eins og hér segir:

Mánudagur 13.des:         Litlakot
Þriðjudagur 14.des:         Krílakot
Miðvikudagur 15.des:     Krakkkakot
Fimmtudagur 16.des:     Stórakot

Þann dag sem jólabíóið er ætlum við að eiga einstaklega notalegar stundir saman og mega öll börn sem vilja mæta í náttfötum og með einn bangsa með sér.

Rauður dagur

Við minnum alla á að það er rauður dagur á morgun, föstudag.
Allir sem vilja mega mæta í rauðum fötum og við ætlum að bralla ýmislegt jólatengt og ekki með rauðum lit

Viðburðadagatal í des

Lestrarsprettur Lubba

Við hér í Fossakoti viljum þakka fyrir glimrandi góða þátttöku í lestrarspretti Lubba. Það er alltaf gaman þegar heimili og skóli taka höndum saman í mikilvægum verkefnum eins og að styrkja málvitund barna. Með því að lesa á hverjum degi með börnunum ykkar gefið þið þeim ómetanlegt fararnesti út í lífið.

Við hlökkum til að endurtaka leikinn næstu önn.

Við látum mynd fylgja með þar sem sjá má hvernig Lubbi trónir montinn á toppnum á jólabeinatrénu sínu 🙂

Jólin í Fossakoti